السلام عليكم
تلبيتا لدعوة احد الاخوان من منتدى القوافل وهو صديق عزيز
ووعدي له بزيارت المنتدى وطرح احد القصائد ها ئنا ذا اطرح اليكم هذه القصيده
املي ان تنال استحسانكم
عليك من الله الرحمن رحمه يـا وطـن بغـداد=وعلى بغداد قلبك يـا وطنهـا لطـف موجدهـا
وعليك اسم الله اكبر لين عنها با الجهـاد تبـاد=يامن عبر المحيطات الوساع أصبحت هاجدهـا
وعلى كل العرب خزي(ن) وعار ونقد واستنقاد=أجل وشلـون تمسـي بيننـا والصبـح نفقدهـا
غدرها من غدرها وخانها الراصد مـع السـدّاد= مديّنتـه وفاهـا مـار بـا الخونـات سدّدهـا
تعاقبهـا المصايـب والمصيبـه خونـة الأولاد=مصيبه من يخـون أمـه ويهجدهـا بمرقدهـا
تجنّد مع جنـود (ن)جنّـدت للكفـر والإلحـاد=جيوش (ن)جرها من جرهـا ربـي يجاهدهـا
عثوا فيها فساد وهـم عيـال الفسـد والإفسـاد=لقايط من بلاد الغـرب جـت تنشـر مفاسدهـا
حشا من يوم جوها ما تقـول إن البـلاد ابـلاد=بـلاد الرافديـن أمسـت محطمة(ن)جلامدهـا
ولا خلّوا بها حتـى العبـاد اللـي بهـا سجّـاد=مدمـرة المساجـد دمّـروا حتـى مساجـدهـا
وكم شيخ (ن)قضى نحبه وكم طفل (ن)بكاه امهاد=وكم عذراء ولد صهيون صاحت يـوم جردهـا
وكـم داراهدموهـا قايمـه تـؤي لهـا رقّـاد=وحتـى الجامعـات القايمـه وحتـى معاهدهـا
وكم وكم لا تنشـد عـن اللـي صـار يانشّـاد=ذبحنا غيضنـا ممـا حصـل وحنـا نشاهدهـا
تناهشها خنازير العصاه اللـي غزتهـا أعـداد=توطّوا في كرامتها وهـي تومـي لنـا بيدهـا
تدّور عندنـا فزعـه تـدّور عندنـا استعـداد=تنشّد ما بقـي نخـوة عـرب حتـى تساندهـا
نختهم ثم نختهم ثـم قالـت يـا لسـان الضـاد=أنا عذراء غـدوا فيهـا عداهـا مـع مقردهـا
أنا منكـم وفيكـم وأنتـم اللـي كنتـم الاسيـاد=أنا مسمّينـي المنصـور وحصونـي مشيّدهـا
أنا كنت أول الأمجـاد يـوم إن الفتـوح تقـاد= نهـار القادسيـه يـوم كـان السعـد قايـدهـا
أنا جهد الجهـاد أيـام ماكـان الجهـاد اجهـاد=غنيمة روح بيعة لجـل جنـة مـن مواعدهـا
أنا تاريخ مجد أجـداد أنـا مستقبـل الأحفـاد=أنا مهـد الحضـاره والقلـم أكبـر شواهدهـا
أنا الرازي وابن سينا وابـن حيـان والرصّـاد=نهار (ن)كان في بغـداد كـان الكـل يقصدهـا
أنا بابل أنـا سومـر أنـا الاشـور والأزيـاد=نسيج أجناس متجانس عصـور الدهـر تكدهـا
بي السنه بي الشيعه بي الأرمـن بـي الأكـراد=ولابه طايفه جـت تشتكـي أحـد (ن)منكدهـا
أنا كتـب المكاتـب مولـد الأعـلام والـرواد=رفـوف المكتبـه تشهـد وتشهدلـي مناضدهـا
أنا نبع(ن)من الخيرات لقت فـي المجاعـه زاد=انا بأرضي كنوز(ن)جت جيوش الغرب ترصدها
أمانه يا عـرب ترضـون ليّـه ذل الاستعبـاد=زمان القـوة العضمـى لـزوم الكـل يعبدهـا
نسيتم كيف بـا الإيمـان تصبـح نـد للأنـداد=نسيتـم قـوة التوحيـد يــوم الله يوحّـدهـا
نسيتـم أو تخاذلتـم وهنتـم أو بكـم أحـقـاد=ولا أطلبكـم أنـا قـوة أعـرف الكـل فاقدهـا
وقالت قبل ما أنهـي قصيدتهـا ببيـت (ن)زاد=أمر من المـرار المـر بيت(ن)قالتـه وادهـا
أنا كلي قصيدة حزن صـاغ ابيوتهـا القصّـاد=أنا دمعـة زمـان البـؤس والتاريـخ خلّدهـا