طابت أوقاتكم

زان الـقـصـيد الـلـي يـعـبر عــن الـجـد
حـرفـه مـن أعـماقي وصـادق شـعوري
وانـا أشـهد إن الـشعر يشهد وانا أشهد
شــهـادة ٍ(ن)بـالـحق مـاهـي بــزور(ي)
بـالـمـخـتصر الـسـالـفة مـاتـبـي ســـرد
كــل الـحـكاية رمــز بـين الـسطور(ي)
مــن شـأن بـسمة مـنك يـامبسم الــورد
بـكسر قـيود الـصمت وأعـلن حضوري
ارحـــب هـــلا يـاريـحـة الـعـود والـنـد
تـعـبـير عـــن ودي وصـــادق ســروري
زرعــت لــك جـنـات فـيـني مــن الـود
تــعـال واقــطـف زهـــر يــانـور نــوري
تــعـال نـنـهـي لـلـتـجافي مــن الـوجـد
جـيـتـك تـرضـيـني وتـرضـي غــروري
لـــن جــئـت مـــد الــيـد يــازيـن لـلـيد
تـطـويك يـاحـزن الـزمن بـالعصور(ي)
كــفــي لــكــم يـاجـنـة الـحـلـم مـمـتـد
فــعــل لــــدورك بــعــد فــعـلـت دوري
وإن كــان مـا ودك وبـاقي عـلى الـصد
بــبـدل احـــلام الـيـسـر بـالـعـسور(ي)
بـقـطع حـبـال الـوصـل والـحـلم يـنـهد
وأبــــدل لــعـالـم عــسـر بـالـيـسور(ي)
تـــرى الـزهـد مـايـغني مـعـاني الـزهـد
عــسـاك يــاوقـت الـتـجافي تـغـور(ي)
الـلـي مـضـى قــدام والـلي يـجي بـعد
سـيـان فـي عـين الـجفا والـقصور(ي)
وإن قلت لي اهلا على الرحب والسعد
نـسـيتني مــا مــر بــي مـن شـرور(ي)
الــــود يـبـقـى مـابـقـينا عــلـى الـعـهـد
والـصـد والـهـجران يـجلب فـجور(ي)
قـــام الــزمـان يـشـد وأحـلامـي تـشـد
والــحـظ مـابـين الـسـعد والـقـبور(ي)
والــلـي كــتـب بـالـلـوح مـاهـو بـمـنرد
لا بـــد يـمـضـي لــو تـوخـر دهــور(ي)

ⒿⒶⒷⒺⓇ