وين ابن منجوم ودي به هنيـا=ودي العب معه طـاروقٍ جديـد
عقب جا مشرف نبي معه انتفيا=في ظلال الشعر من جزل القصيد

مرحبابك فى الصباح وفاالمسيـا=ياعلم رفرف ويحضنك النشيـد
انت نبض القلب ولك القلب حيا=وانت شريان الشعر وانت الوريد

بيض الله وجه راعين الحميا=سود الله وجه ظلام العبيـد
مثل ابن منجوم مادونه خفيا=يلقط المعنى ليا جا من بعيد

بيني وبينك مطاليع الثريـا=والخبر يلفيك مع ساع البريد
قدم ابن هذال لايبرك محيـا=ثم يصبح سالفة في كل عيد

الشاعرعبدالله المرشدي

وش علوم الهيس ياطلق المحيا=يوم جا منـاك جعلـه مايفيـد
يوم حديته على الشرفه وعيـا=مادرا انه طاح في قرمٍ عتيـد

المريض اللي تخبره جاه كيا=ونكوى والظاهر انه مايعيـد
لاذكر ماصارفي ذيك السنيا=ياوسيع المعرفة لازم يهيـد

كانك تسوي بخلق الله كذيـا=تامر وتنهي وتاخذ ماتريـد
تستحق البشت كانك هالسويا=دايما ترقى وتطمع بالمزيـد

والله اني ماهجيـت العامريـا=لين غنتلي على الصوت الفريد
وانت ماترضى على مثلي خطيا=من سلايل فخر والمبنى وكيـد

ياولـد منجـوم مافيهـا كنيـا=مايفيد الشرح في مـخ البليـد
مايخلـي لفتـه راع اللـويـا=لو عليه ايديك تضرب من حديد

واردت العد ماترجـع ضميـا=دام راسي حي وعضودي تصيد
مال زقم الذيب غيـر البندقيـا=قلتهـا واقولهـا لبنـي سعيـد

كل ماتبغاه في لحظـه تهيـا=جات لك بالكيف يانعم العضيد
لايهمـك لاهـذه ولاهـذيـا=دامني حولك تدلـل ياعنيـد