أسعدكم الله دنيا وأخرة
ما جات به القريحة أبيات متواضعهة علها ترقى لذائقتكم
ليت الأماني تحقق يانظر عيني=ترتاح وأرتاح من لوعة مأسينا
حال الزمن والقدر مابينك وبيني=قرب للأرواح والدمعة تواسينا
خلعت ثوب الفرح والهم كاسيني=جفت ينابيع حلمٍ(ن)كان يروينا
ياطول ليل العنا والوجد يدميني=تنزف مشاعر هوانا ما تداوينا
لا من ذكرت البعاد اللي بيحديني=عن شوفتك صعب في عيني تلاقينا
حلو الأماني تلاشت ياغلا فيني=ما باقي إلا مواجيعٍ(ن)تغذينا
وشلون بلقا علاج لهم يبكيني=وإلا بخفف ظروفٍ(ن)ما لها لينا
تعبت وأتعبت صبري لو توصيني=الحظ يا فاتني دوم متحدينا
صحيح من قال يالله لا تبليني=أهل الهوى دوم بالدنيا محازينا
وصحيح حبك مابعرف وين يرميني=أهل الهوى ياهوى دايم مسكينا
اللي أعرفه تفديتك وتفديني=نمسي ونصبح من الأشواق باكينا
ليت الأماني تحقق يانظر عيني=ترتاح وأرتاح من لوعة مأسينا