أسعدكم الله أين ما كنتم
اليكم الأبيات علها تروق لكم
الليلة الطاروق بالقاف غرد=غصن الطرب هبه من الشوق نسناس
هبه من الشرقي نسيمٍ(ن)تفرد=ينعش لروح الشعر بالصدر والراس
ساعة صفا صفت لفكرٍ(ن)مشرد=باللحظة اللي عانق إحساس لإحساس
الدم بالشريان قام يتمرد=النبض زاد وزاد بمطارد أنفاس
راقت نفوسٍ(ن)بالعبير المورد=مع هبة الشرقي يطيبن الأوناس
أطفى لهيب الشوق للقلب برد=جمر الوله ما عاد بالروح قباس
سكن حراكه مثل شلة تمرد=والفضل لسياسي مشاعر لها ساس
أنهى حراكٍ(ن)بالنفوس المقرد=اللي قلاها الحب والشوق حماس
حين الهوى عن كدر وقته تجرد=عاشت عروق قلوب ذبله ويباس
الليل طاب وصادر الحلم ورد=عاد الهنا وأزاح من نفسي اليأس
يا قاف شعري فوق الالحان غرد=غصن الطرب هبه من الشوق نسناس