سـلام الله عـلـى وقـتٍ جـمعني بكـحـيل العـين
سـلام الله عـلـى وقـتٍ جـمعني مع كـحـيل العـين=حياة القلب نور العين حروف أسمه بشرياني
رماني بغـمزةٍ من طـرف عـيـنه يم صور الصين=غـمـزني بطـرفه الثاني وجيت أركـض عجلاني
ظـمـي قلبي من جور الليالي والفراق الشين =ورحـبـي بوقـت الشـوف قال أهلا" وحياني
سقاني يوم أنا ظامي سقاني من حدا الشهدين=دخـل شـهـده بجـوف الروح وبل وجـداني
تسارع نبض قلبي مـن غلاه ومـن حلاة الزين=أناظر في جماله زين ومـنه زود سـكـرانـي
سـألنـي قال وش فيك متلعثم قابض الكـفين=فقـلـت أوصـافك اللي نادرة تعقل لساني
ابي أكتب ياروح القلب في وصفكِ بـيتين=عـشـان أريـح الخفاق أنـام الليل طرباني
فقال إمـسـك بذا البنسل ولا تحـتـاج للتلـويـن=الونـهـا بـدمـي وأنـت ردد بعـض الالحاني
فقـلـت أمـر يـاقلبي لـوذا الصافي يعـود طين=أغـثرب صافي الماء وأنت غرد فوق الاغصاني
أحـبـك يـاحـيـاتي حب صافي لين يوم الدين=أحـبـك كـثـر أوراق الشجـر خـوخٍ ورمانـي
أحـبـك كـثـر ماطاف الحجيج وصلوا البردين=أحـبـك وأنـتـه اللي لجله الخـفاق سراني
أبو منصور قـال الشـعر لجلك ياكحيل العين=يانور العيـن يالغالي ياقلبي وسيد خـلاني
إذا تبغا دواوين الشعر أبشـر مـن الثنتين=أسوق الشـعـر مـن أجلك مدام الحب سلطاني
جـذبـنـي حـبك الطاهـر من القاصين والدانين=وأخـاف أفقدك يالغالي وأعيش العمر وحـداني