صادفتها
صادفتها صدفة من غير ميعاد .... وصارت تناظرني بعينٍ خجولة
قـلـت بصـراحـة دمك أمة الضاد .... وعــيونـك فيها الكــلام بـتـقـولة
قالـت تـمـهـل فيه صـادر ووراد .... قلت الفواد أشتب عرضة وطـولـة
الله خـلق بالناس نازل وشـداد .... وروح الـفـؤاد اليـوم يمك نــزولـة
قالـت هلا يامرحبا شوف بغداد ... ورودهــا ماتـت وصـارت ذبـولـة
قـلـت الـحقيقة إنـك وردة بــلاد .... وماكل ورد الناس تقدر تـطـولـة
قالت تجامل قلت كلمة من فواد .... واللي يقولة الـقـلـب لازم ننـولـة
أثر الصدف أخير من ألف ميعاد .... ومدام صادفتك تـرى فيه جـولـة
جولة غلا وإيضا توجيه وإرشاد .... وحب ودلع بالقلب ماقدر أقولة
الحب يالمحبوب يـنـمـو ويـزداد .... والقلب ساجنته عيونٍ خجولة
ماقلتها من شان نسهر بلا رقاد .... لأن روح القـلـب يـمـك مـيـولـة
مـدام دنـيـا الحب فـراق وأبعاد .... الـقـلـب يـتمنى بـأنــك حـولــة
صادفتها صدفة مـن غير ميعـاد .... وصارت تناظرني بعينٍ خجولة