الله ياشيـن القهرلااستوطـن صـدور الـرجـال=مـاكــنــه الا نـار شـبـوهــا بــبـــارود اشـهــبــا
كتمـت مابـي ليـن زاد العلـم فـوق الاحتـمـال=اتقول اناوايا التعاسه في هذا الوقت انسـبـا
لوحملي يصلـب علـي ظهرالكبيرمـن الجمـال= لاراح ثلـث مـن الطـريـق امــا بــرك والاحـبـا
مال البخت ماطـاح لكـن البخـت لامـال مـال= مـيـرالله انــه يـعـدل المـيـل ويـسـهـل مـانـبـا
الصبرشجـره طيبـه يلـقـا بهاالمـومـن ضــلال= والـيـاس والاحـبـاط مايـدفـع لـهــا غيرالـغـبـا
واثـق ومـومـن بالنـصـروالله علـيـه الاتـكـال= والياس جندي من جنود بليس وبليس يهبا
ويـن البشيراللـي علـيـه معلـقـه كــل الامــال =ان غـاب ننشـدعـنـه وليـا جـاء نقـلـه مرحـبـا
جعله يجينـي بالاجابـه كاملـه فـوق السـوال= لـعـل قـلـبـي بـعــد حـزنــه بالـبـشـاره يـطـربـا
يامبشربالخيـرطـالـت غـيـبـتـك والـصـبـرطـال= متـى عـن الفرحـه تـزف لضايـق الخاطرنـبـا
جعلـك مثـل هدهـد سليمـان وشبيـه بالمثـال= يـومـه تاخرمالـفـا الا بالحقيـقـه مـــن سـبــا
ماني سليمان النبـي ولا انـت ياولـدالحـلال=طيريرفرف من شـروق الشمـس حتـى تغربـا
الحاجه اللي في ضميري جالهـا ايـام وليـال= لوكسبهابالـحـرب جــردت الصقـيـل الاحـدبــا
محدً يصنفها حرام ولا يصنفها حـــلال = مباحةً من ساسها لاهي سفاح ولا ربا
كم واحدً من شان يكسبها بذل جهد ومال= يغرم بها الشيخ الكبير ومنهو بسن الصبا
وتردنـي مـن دونهاشيـمـه كريمـيـن السـبـال= اللـي بهـم زيـن المثايـل بالمجـالـس تضـربـا
احكي لكم عن واقعً ملموس ماحكي عن خيال=حتى التنافس لجلها مابين الابنا والابا