اجمعت بين الطبيعه والخيال
اكتب بيوت المحبه والغزل = واتغزل في الهنوف ام الدلال
وانسج من القلب عذبات الجمل = والقصيد يطيعني مابه جدال
بعد شفت الفاتنه بابهى الحلل = اجمعت بين الطبيعه والخيال
الهوى طعمه مثل طعم العسل = والخفوق يذوب في باهي الجمال
نور وجهه مثل بدر مكتمل = اكتمل زينه ولله الكمال
سهم حبه صاب عقلي وانهبل = وانبهرت بحسنه وحلو الخصال
خطوته فيها الرزانه والثقل = والعيون تقول ياخلي تعال
ويل حالي ماسمع لواحد عذل = ومن يقول انساه قلت له محال
اكتب بيوت المحبه والغزل = واتغزل في الهنوف ام الدلال