خمسة أبيات كتبتها تعليق على قصيدة طرحت بقسم الشعر الشعبي المنقول
بعنوان: مقدر أعيش بدنيتي دون محبوب
علها تروق لكم
كل روح فيها الحب بالأصل مسكوب=فطرة تقدم عن جميع الرغايب
أحدٍ(ن)هواها يبان والبعض محجوب=ما يعلمه غريب والا قرايب
كم واحدٍ(ن)قلبه من الحب مسلوب=أحدٍ(ن)يذيع الحب والبعض هايب
مافيه قلب إلا من الحب مصيوب=والوصل خير علاج بين الطبايب
ليا صار وصل الحب ماهو بمشيوب=مافيه عيب ولا تحيطه غرايب
كذا حياة الناس غالب ومغلوب=والعيب من يسلك دروب المعايب