أسعدكم الله جميعا
يالربع النت زفت له عندي حوالي اسبوع
شكل مرجانة خربت الموديوم عشان ما وفيت لها بالوعد اني أنزل لها كل ليلة قصيدة
والظاهر أنا وهي بنرفع خلافنا للمحكمة الدولية
تابعونا ...
اليكم الأبيات
ياللي بقلبي وروحي من زمن ضفتك =تجري مع الدم بعروقي وأنفاسي
تركض مع الدم سعيتك وطوفتك=حمستني بالهوى والشوق حماسي
أجبرت روحي على الخفاق وظفتك=لينت قلبي لحبك ماهو بقاسي
ياما بقلبي على النبضات وقفتك=شرحت لك صدق حب القلب وإحساسي
شرفتني في غرامٍ(ن)فيه شرفتك=يا ذوق ياراقيٍ(ن)ياعذب الأوناسي
من بد كل البشر للروح صنفتك=الأول بعالم أشواقي ونبراسي
وحلفت لك بالله الخالق وحلفتك =إنك حبيبي وروحي وأهلي وناسي
وصفت لك صادق إحساسي و وصفتك=حتى تعدت وصوفي كل مقياسي
أزعل ليا مرني يومٍ(ن)ولا شفتك =يضيق صدري وأحس صداع في راسي
من وجعتي عفت نفسي بس ماعفتك=أذكرك في نومي ومشيي ومجلاسي
أطوف كل البشر إلا أنت ما طفتك=بالفكر حبك تولى قرع الأجراسي
ظلمت روحي لكني مني أنصفتك=قلبي عطاك الهوى وأبقى لي اليأسي
ياللي بقلبي وروحي من زمن ضفتك =تجري مع الدم بعروقي وأنفاسي