بسم الله الرحمن الرحيم

السلام عليكم ورحمة الله وبركاته


الزواج المبكر ..



الزواج سنه الحياه وجعله الله سكن وقرار للزوجين
والزواج مشروع طويل الأمد يجمع شخصين على الموده والرحمه


مافيه شاب الا ومر بمرحله ودي اتزوج الحين>برغم يمكن من صغر سنه او عدم قدرته الماديه ..

ومافيه بنت ماتقدم لها رجل وهي بسن صغير واحتارت بين اوافق او ارفض ولسى صغيره او تو الناس علي


ولكن بين هذا وذاك فيه امور لازم ناخذها بعين الاعتبار

الزواج المبكر قد يكون نعمه نعم

ويمكن من اجمل مافيه انك تكون والد بسن صغير وعيالك مثل مايقولون اهلنا من سنك فتربيهم وتكون قريب منهم ولابينكم فارق عمري كبير



الزواج المبكر .. بين القبول والرفض ..
من المجتمع واحيان من الأهل

واحيان من الفتاه نفسها

>وفيه نقطه استغربت منها ..
ان لو الشاب تزوج بدري وجاب عيال ووصل الثلاثين
بيمل من هالزوجه او من هالدوشه ويبي يريح باله فيمكن يتزوج عليها
علشان كذا الزوج الصغير سناً مرفوض

فماهي ايجابيات وسلبيات هالزواج من وجهة نظركم ........!!!!
وهل ترضى كـ شاب الزواج من فتاه عمرها صغير او دون العشرين ..........!!!!
وانتِ كـ فتاه هل تقبلين من شاب صغير عمراً او بمثل سنك .....!!!

ولنأخذ بعين الأعتبار ان العقول لاتقاس بالعمر

فكم من شاب عمره 20 تفكيره يفوق من هم بالـ 40



ملاحظه:
* حبيت اتكلم بالعاميه بالموضوع هذا بالذات لأنه يلامس واقع كلٌ منا واتمنى المشآركـه وإعطاء الرأي ..