قالت فمان الله يأعـز مخلوق = قلت الوداع أمرَ شـي بحـياتي
قالت ثلاث أيام وأعـود بالشوق = شـوق(ن) يـنـسـيـني عيـوني وذاتـي
قلت أنتظـر رجعتك ياشوق ياذوق = والله يـصـبـرنـي يـشمعة حـيـاتي
جتني سحايبها لها رعد وبروق = جـذب سـحـايـبـهـا كثرة غــلاتـي
قـلـت بصراحة مـن رحلت ياشوق = مـشـتـاق إلك يابيت كـل الصفاتي
بيت(ن) مكمل مايـجـي منًه الـعـوق = بيت الوفاء اللي مايجيه المماتي
الشوق هـد الحيل والفكر مسروق = سـارقـه حـبـك مسـهـره ما يباتي
بـعـدك كوى قلبي وسبب له حروق = أحـرق ضميري مـثـل حـرق النباتي
حبك زرع فالقلب شجر(ن) بلا عروق = شجر(ن) غصونه بالثمر مزهراتي
الحمد لله عـاشـق(ن)ـشـاف معشـوق = الله جـمـع مـابـيـن ذاتـك وذاتــي
الصبر زين وكل مطرود ملحوق=صارت عيونك يا حياتي مراتي