ياوردة ٍ(ن)توها ماشمها عـــاشقين=
مغرورة ٍ(ن)من شذاها مدري بلونها=
هبت نسايم شذاها فوق ود ٍ(ن)دفين=
ايقض بيوت القصيد وهيض لحونها=
ليت المسافة قريبة والصعايب تلين=
من شأن نروي مشاعر بان مكنونها=
لكن دون الأماني عايق ٍ(ن)مايبين=
أربك خيول التواصل معمي عيونها=
أول عوايق وصالك خشية الصايمين=
تجرح صيام العباد وتشغل ظنونها=
وأوسط عوايق وصالك بين عادة ودين=
تشغل قلوب البشر بأشياء يحبونها=
وأقسى عوايق وصالك بين ونة ووين=
في داخل القلب داينها ومديونها=
وأخر عوايق وصالك سابقات السنين=
اللي تقسي قلوب وتمنع ليونها=
عرفت لويش انا واياك مابين بين=
مابين قيد النفوس وفك مرهونها=
ياورد نفسي تبيك وبالحنايا حنين=
لكن حلو الليالي غاب مزيونها=
ياوردة ٍ(ن)توها ماشمها عـــاشقين=
مغرورة ٍ(ن)من شذاها مدري بلونها=