دام البقا ياغصن تورق ثمــاره = والورد يفرق بس للي يعرفــون
الطيب لاهل الطيب بين شعاره =لا صار باق الناس ماعاد يوفون
مثلك و شرواك ذيب النمــارة = الذيب ما ينصاد للي يصيــــدون
فكري تشتت و النفس في حيارة .=أبنى فرح لكن غيرى يهدون
كل ما بغيت الفرح يسدل ستاره =أروح و ارجع للبدايه على هــون
سيفي أحده و افتخر بإنتصاره=ما جيت ادور لي شهادة و مليون
اللي نبش بالجرح كبر غواره=بس الجروح أنواع خدشات وطعون
الوقت يا عونى تبدل خياره =تاره يحمسنـــى و تاره يشــينون
الغيم غطا عالقمـر في مساره =شوفوه و الا علكم لا تشوفون