قوافل الشعر سوت في هجوسي زحام=قامت ضلوعي تعاوى مثل عوي الذياب
العقل فيه إرتباك وبالخفوق إنقسام=ما عاد بعرف خطأ نفسي وعين الصواب
أحلام ليلي يا ويلي طيرت للمنام=وأنا عيوني عليها من سهرها ضباب
ودي بشيءٍ(ن)طرا لي عاليٍ(ن)بالمقام=لكن من دونه الأهوال بُعد وحراب
يا جمرة الشوق حرك وصل صم العظام=ما عاد بصبر على فرقا عزيز الجناب
اللي غرامه موصلني لحد الهيام=أيام وسنين أعيشه مثل طارد سراب
ياليت حظي يجيبه قبل لأغدي عدام=والروح تقعد بحسرتها ليوم الحساب
وإن كان حظي ما جابه نحت نوح الحمام=وأحلامي المقبلة بتصير ريشة غراب
بدفن لحلو المشاعر وأعتبرها حرام=واسج في عالمٍ(ن)مشهود له بالخراب
لا صار صبح الأماني مكتسي بالظلام=بطوي صحايف زماني واستعد لغياب
حياة من دون راحة جالبة للسقام=وأحلام من دون واقع تاليتها عذاب
قوافل الشعر سوت في هجوسي زحام=قامت ضلوعي تعاوى مثل عوي الذياب