يا بنت لك بالقلب جنة وبستان............من يوم كنتي بالطفولة صغيرة

سكنتك بالقلب وجوف الأعيان............واليوم صرتي في حياتي كبيرة

حملتك بالكف وفوق الأمتان...............وافرح ليا شفتك تجيني مغيرة

واليوم كبر الفرح يا بنتي وبان...........وذاع الخبر يا بنت في كل ديرة

جوني يخطبونك وأنا بعد طمعان............إني أشوفك في ثياب الستيرة

أنتي أماني وجالك صقر شيهان..............فهد عريب الجد والله يجيرة

مبروك يا بنتي ترى القلب فرحان.........هذي حياة الناس درب ومسيرة

أقولها يا بنت والقلب ولهان................ودي أشوفك في حياتك أميرة

هذا ولد عمك طويل الأيمان..................يستاهلك وأنتي لمثله مثيرة

تعاملوا يا بنت بطيب وإحسان..............خليك تاج لرأس كل العشيرة

وصيتي يا بنت لو كان ما كان............لا تتركين القلب تشغله غيـرة

الله يثبتكم على دين وإيمان...............ويفتح لكـــم أبواب خير كثيرة