أسعد الله أوقاتكم باليمن والأمان وطاعة الرحمن
اليكم الأبيات
تسمعوا دقات قلبي وش تقول=تصرخ تنادي غالية قلبي وأنا
في داخلي شوقٍ لها عرضٍ(ن)وطول=يغلي مثل سائل على شق السنا
أون من لهفي عليها والميول=تجرف مشاعر لهفتي وجد وهنا
تركض بي أحلامي مثل ركض الخيول=حتى رمتني فيك يا كل المنى
يمك هوى روحي يدور للحلول=تطفين نار الشوق ويموت العنا
في حضنك الدافي لوجعاتي غسول=ينسيني اوجاعي وينهي للونا
ياغصن موزٍ(ن)لن تمايل بالحقول=مع هبت النسناس ميل وإنثنى
يابو ثمانٍ بيض والريق معسول=قلبي على بابك ترجل وإنحنا
يطلب وصالك والرضا منك ينول=عدل مزاجي عل قلبي يسكنا
وإلا تجمل قول عن رجواي حول=انه الأمل واقطع حباله لو دنا
خله يموت بحسرته من غير حول=يرتاح في موتته والا يفتنا
بالوصل قبل أعمارنا بعد تزول=أسقه هواه وريحه باللي جنا
ياأغلى من الغالين ياريمٍ(ن)جفول=ياللي غرامك بالحنايا يطعنا
لو غبت عنى زارني منك رسول=طيفك يسامرني وروحي تحضنا
في كل وقت وكل طلعة مع نزول=ماثل لعيني من هنا وإلا هنا
وليا تعبت من التخيل والمثول=ناديت من حولي عسى ربي لنا
تسمعوا دقات قلبي وش تقول=تصرخ تنادي غالية قلبي وأنا