الشيخ محمد بن هادي بن قرمله القحطاني شيخ قبيلة قحطان
عرف والده بهادى بن قرمله نسبة الى أمه قرملة بنت شاهر من الخنافر من قحطان وقد خلف محمد والده في شيخة قحطان وطال عمره حتى كان تركي بن حميد العتيبي شيخ قبيلة عتيبة يسميه الشايب في قصائد متبادله بينهما ، وعاش محمد كثيرا بعد تركي بن حميد وهناك قصيدة له عندما نزح عنه بعض أفراد قبيلته وحين مر بديارهم صدفه لحق به رجل منهم يدعى (شذي ) يسوق ناقة يريد ذبحها لإكرام ابن هادي فقال قصيده طويله من ظمنها هذه الابيات :
ياهـل اللـي خفـاف المعاليـق=ريضوا شوّي واسمعوا لي علومي
تكفون ياسمو العيـال المطاليـق=حتّى العذارى زاهيات الرقومـي
مامنكم اللـي تلهّـن بالخناتيـق=وانا ذراعكم عن لهيب السمومي
إلأ" شذي القرم زبن المشافيـق=اللي معرضنـا بكـوم ردومـي
وقال تركي بن حميد عندما جاءته رسالة من ابن هادي :
جانا من الشايب مكاتيب وعلوم=حي الكتاب اللي لفا حشمة لـه
الشايب الي ينقل الكبر والـزوم=باغي لحكمي مير انا عاصي له
فرد عليه محمد بن هادي :
حي الكتاب اللي من الزاج مرشوم=حيه وحي اللـي مشـى حشمـة لـه
ساعة قريته شفت ماعفـت مرسـوم=رد النقـا تركـي وهـو منحـي لـه
لا والله الا راحـوا أصحابنـا قـوم=تناقضـت مـن بينـهـم بالأجـلـه
ياسابقي غاشـن عتيبـه منـك لـوم=مثل الربيـع اليـا غشـا نجـد كلـه
مانشتحن للحرب والحرب مفهـوم=وياسعد من حن في اللقاء فزعه له
ماخلقت الدنيا ولا الناس في يـوم=واللي تمنى حربنا مضحـي لـه
وان كان في نفسك فلا هو بمليوم=نعم الشوارب وفاي الشبـر كلـه
متوسط مابيـن عتبـان وابقـوم=والله أعلم فـي دق سلكـه وجلـه
وفي قصيدة أخرى قال ابن حميد يسند على ابن هادي :
انا برمحي بأول القوم ملحوم=والا انت رمحك عند ساره تشله
وساره هي زوجة محمد بن هادي ، فرد عليه محمد ابن هادي بقوله :
ان كانك برمحك باول القوم ملحوم =فانا برمحي حامي نجد كله
وكان الشيخ محمد ابن هادي عقيما ، وعندما كبر في سنه واصبح لايستطيع القتال وركوب الخيل آلت الاماره الى اقاربه وانعزل عن الناس ويقال أنه في احد الايام كانت القبيله في احد غزواتها وكان جالس تحت ظل شجره فراى فار ينكث الارض فقال هذه الابيات /
لو ان لى عيال شبوا لى النار=ماكنت جالس في محل المذله
تعال دلهني وادلهـك يافـار=يوم ان كلا دالهن في محلـه
امنولٍ شوري ورا كل الاشوار=واليوم بيتـي للنشامـا مزلـه
رحم الله الشيخ محمد بن هادي بن قرملة القحطاني
منقول