أسعدكم الله
الأبيات بدون مقدمات
هواجسي في داخل الفكر هاجت=شيءٍ(ن)جميل وشيء عكر مزاجي
كل ما سكن فكري على القلب ماجت=في حاجتي وإلا بغير إحتياجي
تسرج لخيل الشعر بالقاف داجت=قافٍ(ن)عدال ولا دخله إنعواجي
تغرف معاني داخل الروح لاجت=فلت للطاروقي طليق الحجاجي
عذب القصائد بالمشاعر تفاجت=من فكري اللي فيه جرح وعلاجي
جرح الفراق لناس للروح ناجت=ضيق الصدر ما حل فيه إنفراجي
غلاتهم في سوق الأحلام راجت=سوق الغلا ماهو بسوق الحراجي
والصبر طب أوجاع بالقلب خاجت=لو كان مر أتلاه فيه الخراجي
ثنتين طب وجرح للقلب عاجت=مجروح وأظهر للعذول إنبلاجي
ترافقت بالقلب مدري تحاجت=ماهي بتسمع لوعتي وإحتجاجي
هواجسي في داخل الفكر هاجت=شيءٍ(ن)جميل وشيء عكر مزاجي