أسعدكم الله
الأبيات
قالت اميري قلت لكن مامور=قالت حشا محدن عليك يتومر
قلت الهوى يابنت وعيونك الحور=تامر علي وعنها ما اتوخر
قالت اجل يابعد الأنفاس معذور=دام الهوى يامرك لأجلي مقدر
قلت اعشقك واهواك شاعرك مسحور=قالت فديته بس انا حبي اكثر
قلت الغضي باين من الحسن مغرور=لا بالله أنا يالغلا حبي أكبر
قالت:دليلك قلت:من عدة شهور=كل ليلةٍ(ن)من زود الأشواق بسهر
من ساعة المغرب ليا طلعة النور=ما أذوق طعم النوم جوي معكر
أدورك والقاك في نبض وشعور=أسهر معك من دون تدري وتشعر
قالت:بدون شموع وزهور وعطور=قلت:العفو من ريحتك بتعطر
ريحك ولونك خير من عطر وزهور=في جوها قلبي مليك يتمخطر
فيك ومعك أعرف تواصيف بالحور=وأذكر لرب الخلق وأحمده وأشكر
قالت اميري قلت للزين مامور=قالت حشا محدن عليك يتومر