لاصار في بعـض الـمـواقع كـباين
ماني على بعـض الكباين حسوفي
ولاني بـمــديــون ن و لاني بـدايـن
شاعر مع الشعًـار تسمـو حـروفي
واجــنًـة الـسـانـي لـهـا فــيـد بـايـن
ما كـنًهـا الا أعـيـون بـيًه اتشـوفي
تـشـتـاقـنـي وانا على الشوق ماين
واجـتـاحـهـا مثل اجـتياحي هـنـوفي
في ديــدني راعـي مــودًه و صـايـن
واحساس غـيـري ما يبرر ظـروفي
ان حسً بي مـثـلي شـراكة كـمـاين
وانـا عـلى دربي تـسـابـق كـتــوفـي
كـنًي مع الـفـكـره طبـيـب ن مـعـاين
اوصـف لـداء الـمـعـنـويـه قـطـوفي
والـشـعــر نـسـناسه ونـاسه زبايـن
في واقـع الاحسـاس عـدًة صـنـوفي
نـبـضه حـروف ن جسًدت حال كاين
وامسى لها فالصدر مجلس ضيوفي
مثل النحـل يـجـمـع رحـيق الجـنـاين
وايصير شهـد ن مايـبي له وصوفي
والحرف اله مبنى ومـعـنى ضمـاين
مع صـورة الاحساس مـثـله نـزوفي