إمتدادي
الورق والشخبطه واللي تشوفين
امتدادي
فكري المنثور حولي
وبعض نزف من فؤادي
ذاك حرماني
وهذي اهتي وهذا مدادي
والدجى والشوق كله
عالمي وانتي بلادي
اعذريني لو نسيت الشاي
وآداب الضيافه
وانطلقت من القيود
اللي يسموها لطافه
الوحيد اللي بوضعي عادته رفع الكلافه
نظرته دله ونار
ونظرتك له ارتشافه
انزعي البرقع
ترى مالا عني غير البراقع
والبس الاحساس واطفى
طالما الميعاد صاقع
ذوبي برد السكوت
ولعّى كل المواقع
والعنى وقت الخيال
شوي .. دام الحال واقع
لملميني
من على الاوراق خليني قصيدة
وارسليني مع شعاعك
للمسافات البعيده
للثلوج اللي تهوجس
باللهب ودها تعديده
للرماد اللي هجر جمرة وفا
ماتت شهيده
وش تخليتي مكاني
قبل تنوين الزياره
وش تخليتي
شموع او كوكب او مناره
وش ترين بحالة اللي عاش غربه
في دياره
وش بريك غير حرق الذات
او حرق السيجارة؟
للشاعر : صالح الشادي