بسم الله الرحمن الرحيم
مهداة للأخ/ حمودبن نايل بن طوعان السويدي الشمري واللذي عفى عن جاره قاتل إبنه
لوجه الله تعالى جزاه الله خيرالجزاء
خير البدايه في ذكر حلال صعبات الأمور = الواحد الفرد الصمد حي(ن) على خلقه بصير
يقول جَلَّت قدرته أحببكم العبد الشكور = والمبتلاء والمحتسب للعفو بالوضع الخطير
أبشر بخير وفي رضاء الرحمن يالعبد الصبور = جلّ جلاله جابر العثرات والعظم الكسير
كَرّم وعَلَم باالقلم خير الملاء والعلم نور = من بعد ذكرك ياإلهي هاض مكنون الضمير
زادالفخربأهل الشَرَف تشريف وأفراح وسرور = تشريفكم للحفل وأهل الحفل مقداره كبير
بدع المثايل شاقني قدر ومعزه للحظور = لو حَيََّرَتْ غيري بعون الله فكري مايحير
شعار شمر يوم قمعة بيد شيخ(ن) مايبور = يوم الفطاير ناركود أبكار ياإشتب المثير
أسلم وسنجاره هلي والناس مافيهم قصور = وعبده سناعيس الجبل ربعي لياصاح النذير
من دون قاصر في جميع الناس و الكذب معثور = طيور الفلاح مقسمه والمرجله دربه عسير
نقش(ن)على صم الصخريبقى على مر العصور = أفخر وأفاخر وأفتخر بك يازبون المستجير
أبفتخر بحمود إبن نايل وكم غيري فخور = إبن السويدي موقفه هذا فلا عمره يصير
موقف تفاصيله فخر لا أفتخر فيه محرور = وشمر لهم تاج الشَرَف بالعهد الأول والأخير
قدرآل سويد للابت إبن هذيل وآفين ال شبور = فايز هذيل أكبردليل العلم بشداد البعير
عصلاء عمودي روس شمر والطناياء بالصدور = ماهي غريبه ياهل الطولات والفعل الشهير
تقول سجن الجار ماهو لك ولو دمك يفور = ولا تسولف به عباد الله كبيرولاصغير
نرفع لك البيضاء يابن طوعان والفعل مخبور = نبع المكارم من جبل شمر مسيله والمحير
عفوك لوجه المعتلي ماهو على شأن الظهور = الله يعفو عنك يابن العم ويجازيك خير
من شفت باب الجار مجفا قلت سبب لك فتور = من قو بأسك ياعريب الساس ياريف القصير
تأمر وتبشرلو يشال الباب من حد الجسور = المصطفى وصى بسابع جار ياالوجه السفير
يالآدمي دنياك لو زانت تواليها دبور = العمر يفنى والعمل يبقى ولو طال المصير
ننسا وطبع الناس تنسا إنه على نقطة عبور = إلى الصراط المستقيم الخلد وإلازمهرير
الله عطانا نعمة النسيان والدنياء مرور = تفجع ولا تجمع ولا ترحم غني ولافقير
يارب تجعل بيت راع الجود باالعز إمعمور = شرفت هامات الشَرَف إخوان نوره والوزير
وفيت يوم أعفيت يعفوعنك تواب(ن) غفور = اللـه قَدَّر ثم قَدَّر مايشاء والله قدير
يالله تعين اللي صبر وتعز وافين الشبور = ياشعب أبومتعب تواصوا خير بإخلاص وضمير
المعذره ياالسامعين إذا حصل مني قصور = وأزكى صلاة الله على خير الملاء الهادي البشير
شاعرجبل شمر/ مبارك طناء مبيريك التبيناوي