سافر وترجع يالغلا بالسلامة=قلبي خويك بالسفر وين ما رحت
نبضه ودقاته تراها غرامه=ويسيح في دنياك لا قلت له سحت
ما دامك لقلبي هواه و وسامه=لا يشغلك باقي لو شفتني طحت
أسكن بروحي لين يوم القيامة=تذكرك لو إني بالأفكار سرحت
في داخلي تلقى لحبك علامة=تلقى الجروح اللي مع الوقت جرحت
تكفين لا ترمين بس اللثامة=هي سترك(ي)عن نظرة كلها سحت
تكفين يا رمز الشرف والشهامة=خليك تاج الراس بالصمت وإن بحت
تكفين يا رمز الوفا والكرامة=لا تجرحين إحساس بالروح صلحت
لا تبدلين الصقر بطير النعامة=يامن ليا لوح لها القلب لوحت
ما باقي الا شوقك(ي)وإحتدامة=لولا الحيا من حبك(ي)قمت ثم صحت
تكفون ردوا من سحرني قوامه=من يوم سافر لو ساعات مرتحت
يبعدك ربي عن دروب الملامة=يا من لها روحي من الشين برحت