بمناسبة إجتماع الدفعة الذهبية
٢٠١٩/١٢/١٠ مكة المكرمة بفندق ميلينيوم
ياللـــه ياللي بفضلك يُصنع المســتحيل
ياعالــم الغيب يا محيي هشيم الزروع
الك الثنــاء والشــكر على لقــانا بليـــل
بالبقعة الطاهرة مهوى قلوب الجمــوع
حذو الطريق المسمى بالنبي الخلـــــيل
تجمعـــوا صحبة الأيــام ليــلة ربــــوع
يا طيبـــها ليــلةٍ لمـت زمــيل بزمـــــيل
رقص لها قاف شعري قبلها من ســـبوع
يســعى يجـدد لذكرى بالزمان الجمـــيل
والوصــل بين الأحبه مثل ربـح البيـوع
فرصـة نجـدد بها شــباب فكــرٍ جـــزيل
وانا ترى في خيال الشــعر ماني قنــوع
ودي أرتب لقــانا فــوق كوكـب ســـهيل
نضــرب مثل للتــحدي مانهاب الطلـوع
لكــن شــهب الليــالي شــيبت للأصــيل
والحر من طيب ساسه مايحب الخنوع
ياليت حلـــو الزمن ما ضــامنا بالرحيل
لكــن ما راح لا يمكــن لفصــله رجــوع
ما باقـــي إلا ســجلاته كثــير وقليـــل
مخزونة بالقلوب اللي بسجن الضلـوع
نذكــر قســاوة لياليـــنا بوقتٍ بخـــيل
قدام تضحك لنا الدنيــا بوجهٍ فـــروع
والليــلة الوضــع غير وحالـنا ياحليــل
شابت لحــانا ودورات الليالي تـــروع
أعمــارنا ماشــية مابين عدل ٍ ومــيل
لكنــها مـا تغــير طيــــبات الطبــــوع
جابر الثبيتي
ⒿⒶⒷⒺⓇ