بسم الله الرحمن الرحيم
السلام عليكم و رحمة الله و بركاته
طاروق سابق بيني و بين الشاعر/ سلطان المرد المطيري ،،
سلطان المرد :
سلام الله على اللي ينشد المطران ست أيام /:/ يبا راسي و راسي مرعب المطران و عتيبه
نصيحه يَ ولد غزاي لا تطرد ورى الأحلام /:/ تعين شاعرً قدك و حط الداب في جيبه
بندر غزاي المقاطي :
هلا يَ مرحبا بَ اللي طمع في ترثة الإيتام /:/ تراهم سد وجهي مَ بقى شيءً تهذريبه
يقولون إنك بَ وسط الحرم تنشد عن الإسلام /:/ يَ كم رجلً نشد قبلك و غاب الغيبه الغيبه
سلطان المرد :
يدوم لك البقاء و المرد مَ ياكل حلال إقزام /:/ يجي لَ الشيخ و يحطه على متنه و يمشيبه
أنا وش لون أجي مكه و بندر مَ عليه إحرام /:/ محلك مَ نغره و أكثر العتبان تدريبه
بندر غزاي المقاطي :
خفاف الهرج مَ فاد العرب من ماضي الأعوام /:/ تهرج مير مَ عند العرب فعلً تماريبه
لي هيبه ترد القوم لو إني بَ عمر غلام /:/ تهذريبي مطير من الكويت اليا وسط طيبه
سلطان المرد :
لا تستعجل على التهمه تبا تلقى الخبر قدام /:/ أبو مدباج هرجه غير لا تأمن عواقيبه
أظن النوم مَ هو بعيد يَ بندر توكل نام /:/ تسولف كنك الهارف و أبو قرنين و الشيبه
بندر غزاي المقاطي :
وسمت من الرجال ثنين و أنته ثالث الأرقام /:/ مَ هو هرجً مثل هرجك فعولً مَ بها ريبه
عليك الله و أمانه مَ نبى نأخذ بك الآثام /:/ لا تفخر بَ العيون اللي بَ راسك دام تركيبه
سلطان المرد :
وسمت اثنين و لا ألفين مَ تقدر على الضرغام /:/ و أكيد اللي موسمهم رعايا مالهم هيبه
يَ وجه الله يعايرنا و صكه كل أبوه أختام /:/ ثمان أختام معروفه و تاسعها مَ ندريبه
بندر غزاي المقاطي :
عليهم من وصوفك يَ المطيري و الوعد قدام /:/ و إذا لزم الأمر حطيتكم في داخل العيبه
على الخط السريع من الحرم لَ شرقي الدمام /:/ أشوفك تبسط بَ بسطتك تستعطف هل الطيبه
سلطان المرد :
بن آدم لا أمتلى بطنه من المشروب و الأنعام /:/ لو إنا نطلب المريخ قال أجلس و أنا أجيبه
أنا مَ ردني لا رد غير الدين و الأرحام /:/ ترى من يشري الخيبه يبا يفلس من الخيبه
بندر غزاي المقاطي :
ترى كوفي عنان اليا هرج في ثورة أهل الشام /:/ مَ هو حبً لَ ثورتهم و لو زين هناديبه
مثل مَ أنته خبير ألغام به غيرك خبير ألغام /:/ و لو تسرح بَ ضانك يَ المطيري مَ أنت ضاويبه