خرافات القصيد
غابت سنين وجات تسبح على الموج
مــوجــة تـعـلـيـها ومــوجــة تــوطـي
عـلـى الـشـفاه أحـمر يـسمونه الـروج
والــلـون مـتـغـير بـعـد كــان حـنـطي
قـالت سـلام وقـلت مرحب ياعمهوج
قـالت شبيه صويحب ٍ(ن)كان مبطي
قـلت الـعفو مـاقط صـاحبت مرجوج
قـالـت تـوكـد قـلت مـا كـنت مـخطي
قـالت نسيت أشعار وضحوك وهروج
أيــام كـنـت أشــرط وتـقـبل بـشرطي
كـانـت هـنـا مــدري هـنـا نـار ومـروج
يـشهد عـليك الـبحر ورمـال شط ِ(ي)
الله اكــبـر كــيـف تـنـسـى يـامـفـلوج
وشـلـون تـنسى كـل شـيءٍ(ن)تخطي
ماكن الك قلب ٍ(ن)محصن من العوج
عــاهـد هـوانـا طـفـل فــأول تـخـطي
قـدام تـركب يـا أسمراني على الدوج
والـيوم كـنك صـرت لـلوصل شـرطي
تـنـكر لـخـل ٍ(ن)كــان بـالخافق يـلوج
أنــا فـلانـة مــاش بـالأمـر خـلـط ِ(ي)
قـلـت الله الله عـهـدكم فـي مـنسوج
والـمـعـذرة عـقـلـي تـنـمر وشــط ِ(ي)
يـاغـايبة وشـلـون جـئـتي مـع الـموج
مـوجـة تـعـليك ِ(ي)ومـوجـة تـوطـي
ⒿⒶⒷⒺⓇ