يـاصاحبي تـبي كـلام ٍ(ن)حقيقي
مـالك بـطول الـسالفة وأنـت منها
جــهـز جـــوازك لـلـسفر يـارفـيقي
نــبـي نــزور ديــار مـبـطين عـنـها
انـتـه رفـيـقي بـالـسفر يـاصديقي
خــوتـك عــنـدي مـايـقـدر ثـمـنـها
نـبي نـقطَّع بـالقصيد الـطريق(ي)
قـصايد ٍ(ن)عذب السوالف وطنها
سـولف بما يخطر ببال ويليق(ي)
وأنــــا بــزيــن لـلـقـصيدة لـحـنـها
سـوالفك مـثل الـعسل فوق ريقي
مــدري مـثـل زبــد الـبـكار ولـبـنها
وإن كان مرك بالسفر ما يعيق(ي)
أبــشــر بــعـزك فـالـديـار وزمـنـهـا
لا تشتكي من حاجةٍ(ن)ماتطيقي
دامــي خـويـك حـاجـتك لا تـكنها
ⒿⒶⒷⒺⓇ