أسعدكم الله
الأبيات كالعادة بدون مقدمات
..........
وينك حبيبي ريح الأشواق هبت=على الخفوق وضاق فيني فضاها
هبت على نارٍ(ن)بصدري وشبت=ما عدت بقوى يا حبيبي لضاها
حميمها فوقي بذا الليل صبت=طار المنام ولهف روحي شضاها
أون وجروحي بجوفي تخبت=كني على صاجٍ(ن)يحنذه غضاها
روحي بجمر العشق يا زين كبت=عدة سنين وحامسي ما نضاها
تتبع لطيفك يوم للغير ذبت=مشاعري حكم عليًه قضاها
الروح فيني بالمحبة تعبت=والبعد والحرمان روحي عضاها
النفس نسيت ذاتها يوم حبت=تتبع رضاك ولا تدور رضاها
لكنها بالحب يا خل طبت=هذا مقدر عند ربي قضاها
ما عاد لي حيلة بحبك تربت=راضي بها دام الكريم ارتضاها
وينك حبيبي ريح الأشواق هبت=على الخفوق وضاق فيني فضاها