طابت أوقاتكم
يـاهوى البال تذكر يوم طيش الهوى
نــار حـبـك عـلى قـلبي بـراد وسـلام
لـو لـحقني حروق القى طرفك الدوا
يـبري اللي بروحي من جروح الغرام
عـشـقنا يـاخـفيف الــدم فـيـنا ســوا
يجذب أرواحنا صوب الهوى والهيام
كــم سـهـرنا مـع الأحـلام رغـم الـنوا
الـمسافات تمسي صفر وقت الحلام
وكـم شـكينا كـوايا مـن غرام إنكوى
مـن ظـروف الزمان اللي عليه الملام
كل ما قلت لك ذاب الحشا واستوى
قـلت صـبرك شـوي وعـام يقفاه عام
مـالـحـقـنا لــشــف ولا شــربـنـا روى
الـعـواطف عـلى عـد الـمواعد حـيام
حـلم الأيـام في نصف المسافة ثوى
قـسوة الـحظ طـيح حـلمنا بـعد قام
درب الأحـلام أشوفه بالعيون التوى
الـهـنا راح وقـتـه والـعـناء مـسـتدام
يـاشـريـك الـمـنـادم مـالـبـعدي لــوى
دام بـالـجسم روح وبـالـشفايا كــلام
أنـت نـبض الـمشاعر دام قلبي هوى
فـي غـياهيب حـبك يـافراخ الحمام
يـاهوى البال تذكر يوم طيش الهوى
نــار حـبـك عـلى قـلبي بـراد وسـلام
ⒿⒶⒷⒺⓇ