مساكم الله بالخير والسرور والعطر والبخور
واليكم الميسور
الأبيات
تعبان ويزيد التعب لا ذكرتك...=بعيد عني والمسافة بعيده...
لو كان بقدر كان بالحال زرتك...=واكتب على كفك بكفي قصيده...
وان زرتني قبل تسلم شكرتك...=شكرا من الاعماق لك يا مجيده...
ياللي بقلبي دون غيرك حفرتك...=نقشت حبك بالحشا يا فريده...
بإحساس روحي والمشاعر غمرتك...=سلمتك أسرار الغرام السديده...
في كل ذاتي يا حياتي نشرتك...=كلي على بعضي لحبك جريده...
أسير عشقك لا تقل:ما أسرتك...=إلا أسيرك من ليالي عديده...
على قصيدي بكل قافٍ(ن)سطرتك...=الأوله واللي بوقتي جديده...
تنبض بحبك بالقوافي نثرتك...=عل وعسى ترجع لحوني سعيده...
ياللي بقلبي بكل عشقي شعرتك...=مير الظروف القاسيات العنيده...
ودتك عني والبلا لفتكرتك...=أحس بجروح البعاد الشديده...
لكن على عهدك ترى ما غدرتك...=مهما تمر سنين فوق مديده...
تعبان ويزيد التعب لا ذكرتك...=بعيد عني والمسافة بعيده...