أسعدكم الله
اليكم الأبيات علها تروق لكم
يامشغلٍ(ن)للقلب والفكر والروح=ما والله أنسى الود بحضور وغياب
هواك خالج خافي السر والبوح=مكتوب والمكتوب للنفس غلاب
ماهو كتب للعبد في صفحة اللوح=يلقاه والمكتوب نافذ وغصاب
أحلا حلاة الحب لوعات وجروح=اونس وجعها بالمشاعر والأعصاب
إن لمتني بالعون مسموح مسموح=وإن كنت مثلي عارفٍ(ن)كل الأسباب
الود رمح(ن)للمهاوين مملوح=نركض وراه وتالي الركض ننصاب
كم فارسٍ(ن)من سبته صار مطروح=قاله نمر:هذا بلا أبوك ياعقاب
هز الملوك وهز رعيان بسروح=ياما شغل لقلوب وإحتارت الباب
في كل عين يشاف بين وملموح=واللي يقول بغير ما قلت : كذاب
مهما نداري به للأرواح مفضوح=ومن لا يود أحباب ما وده أحباب
يامشغلٍ(ن)للقلب والفكر والروح=ما والله أنسى الود بحضور وغياب