زائرات الهجوع
........ ........
هـذي صـراحة كـان ودك صـراحة
يـاغـايـتـي يـامـنـيـتي يــامــرادي
حاولت اجرب في بحرك السباحة
لـكـن حـدانـي دون غـبتك حـادي
خايف أطيح بموج وتكون طاحة
تـعـجز تـقـاومها كـفـوف الأيــادي
أعــوام وانــا بـيـن قـسوة وراحـة
عـاقل لكني يا أريش العين غادي
كـشفت لك بعضي برمز وفصاحة
وضـعي كـذا وايـاك مـاهو بـعادي
ضـاقت عليه في فضاك المساحة
الـجو أشـوفه فـي غـيابك رمـادي
أحـــلام عـمـري لـلـعنا مـسـتباحة
وشلون تشفى من جروح البعادي
أون ون الــلـي بــصـدره جـراحـة
تـنـزف شـرايينه بـسجن إنـفرادي
يـاذيـك يـالـلي تـدعـين الـسماحة
هـذي سبايب مسكنك في فؤادي
قـلبي غـدى لـهموم الأيـام سـاحة
نـور الأمـل صابه عمى وإنسدادي
شـانـت بـعيني مـغريات ومـلاحة
مـاعدت أمـيز بـين حادي وحادي
مـشـاعري فـيـها بـشـعري مـنـاحة
غـريب حـاضن غـربتي في بلادي
هـذي صـراحة كـان ودك صـراحة
يـاغـايـتـي يـامـنـيـتي يــامــرادي
ⒿⒶⒷⒺⓇ