هذه محاورة للشاعر عبدالله المسعودي والشاعر رشيد الزلامي آمل أن تنال رضاكم :
عبدالله المسعودي :
مرحبا باللي حضر (منا ) تراحيبٍ كثيره
من سمعها من رياجيل الوفا ماضاق باله
الليالي دايره مثل الرحاه المســتديره
والزلامي مع مرور الوقت مدري كيف حاله
رشيد الزلامي
البقا ياشاعرٍ عبر لسانه عن ضميره
قالها شاعر هذيل اللي طراله ما طراله
ياهذيل انتم طلبتونا عسى فالامر خيره
العتيبي ينطح الهذلان لو واحد لحـاله
عبدالله المسعودي
الحقيقه قلتها ماني مخفيك السريره
عيني تشوف السحاب اللي على راسك خياله
كان ماعندك خشير ولا شويرٍ تستشيره
المراجل ماوصلها كل من نصب عقاله
رشيد الزلامي
يامحمد ماخلقنا الله على شبه الجزيره
غير نبذل كلمة المعروف ونفر المحاله
والله اني ما التفت في واحدٍ يشعب بعيره
مير هو شيخ العرب ولا وكيلٍ بالوكاله
عبدالله المسعودي
المشاكل ماتحل الا بتحكيم البصيره
ماكسبها واحدٍ تصفق يمينه في شماله
لو بغيت تقصر الخطوه ترى ماهي قصيره
مايدن النجر شيخ الا بعد حميت دلاله
رشيد الزلامي
لا تضايق وانت عندك مشكله ماهي كبيره
مات عنك ابليس مير الخوف كله من عياله
اترك الدرب الطويل وروحلك مع درب غيره
وان شوتك الشمس بيت الله يضللكم ضلاله
ــــــــــــــــــــــــــــــــــــــ
مــــــــنـــــــــقـــــــــول