مرحبا ترحيبة مـن عـوف تعشقهـا عشاقـا=يالمسلم من بني عمرو ومن شـرّف حضـوره
الزمن باقـي علـى ماكـان والعالـم سباقـا=في زمنها ياعميـل الخيـر والـدار معمـوره

البقابـك ياعميـلٍ حافـظ شـروط الصداقـا=مايغلق عنه غيـرة وإن بـدى غلـق فأمـورة
مايسابقنا علـى العليـا يكـود أهـل الحماقـا=الله يديـم الأسـود اللـي يعرفـون النمـورة

ياعسـاك تـدوم يازيـزوم لربوعـك رواقـا=والصداقة باقية ماهي سـراب ولعـب كـوره
لاتروح بك الظنون بعيد عـن حـوز النطاقـا=استشير وشاور أهل الراي واصحاب المشـوره

ياعسى بحمولهـا الليلـة تقـوم مـع الرفاقـا=ذا السنه كـلٍ لحالـه وأول الـدار مخشـورة
الحقايق واضحة وانـت مـا تسرقهـا سراقـا=ربعي ثابت فعلهـم وأجيـال جتنـا ومغمـورة

الجمال اللـي تشيـل الحمـل دايـم ماتساقـا=قيدة وقت الشديـد وقايـدة وقـت الضـروره
والحقايـق واضحـة ياذيـب مافيـه انطراقـا=الله يديـم الامـان ويسلمـون أخـوان نـوره

وش نصيـب مسيلمـة اللـي تنبـأ بالعلاقـة=كان عيـا لايتـوب نعـزرة نمنـع شـرورة
وانت والله من رجالٍ فيـك درقـه سِـد فاقـه=نور جـلاي الظـلام اليـوم ياربـي فنـورة

ياعسى مايسلمـون أهـل المشاكـل والنفاقـا=والكذوب مسيلمه له في القفا عشريـن صـوره
ماعليكـم زود والافـكـار تمـتـد وتـلاقـا=والبيوت اللي بدون ظلال في القيض مهجـوره

الدعـاوي ماتناصـا بابنـا مـاهـو بطـاقـا=والحمية عرق في وجه الرجـل واليـوم دورة
والحديث إله رجالـه مـا لـك إبعيـرٍ وناقـا=وانت لاتِزعِل رجال وترضي اليـوم البـزورة

كم واحد ياعميل الخيـر فـي دمـه انحراقـا=وان ظهر عرق الحمية فيه ماتعـرف ظهـوره
دام مالي خص في بعض الحديث اللـي يواقـا=من زعل يضرب براسه في جبل تفجع صخوره

انظروا له فالجنوب وثـم شصـوا لـه وثاقـا=دورا لـه يارفيقـي قبـل حـنـا لانــدورة
من يغلق دون حالـه عنـه يرفـون الوساقـا=وانت راعي علم مايخفاك عالـم فـي حبـورة

ياوسيع العـرف ماحنـا علـى شوفـه شفاقـا=ليه نبحث عنـه مانبغـى يـزور ولا نـزوره
لانتثر ما الوجه فوق الارض مايمكـن يحاقـا=والقعيـد اللـي ورا السـدة يسدونـه سبـوره

يادسميـن السـبـال ورياجـيـل الحـذاقـا=حشمة الطيب عن البطـال ماهـي بمغـرورة
علم يبـدا بالوفـا تلقـى الوفـا دايـم غلاقـا=مانذمك وانت حـر الحـر ماتهفـي صقـورة

العسل حالـي لكـن الحنضلـه مـر المذاقـا=يفرق الطيب عن البطـال فـي مـدة شبـوره
يالله تديم الوفـاء وانـا علـى ركبـة وساقـا=عاقل الركبة وثاني سـاق والـراس محسـوره