السلام عليكم ورحمة الله وبركاته
اسمحوا لي اطرح بين يديكم هذه المحاولة الشعرية علها تنال اعجابكم
وحقيقة الامر اني عجزت عن استخدام برنامج تنسيق الشعر المثبت بالمنتدى وكل ما استخدمته لا يستجيب مدري وين المشكلة:
اقطع على شأنك طويل المسافات = واعدها من شان اشوفك قصيرة
وانسى معاك الهم وايا المعانات = فالقلب مرفأ لك وعيني جزيرة
اناجي الحاضر وانظر الى الات = علها يجيبك يا سمو الاميرة
يا من لها بين الحنايا مقامات = وفي داخل اعيوني مواطن وديرة
في غيبتك محسوب من ضمن لموات = و يعدني ربعي عديم البصيرة
وانا الذي يلعب بعلم السياسات = ويفوز فيها بالثواني الاخيرة
اهديك من شعري شعوري ولبيات = واهديك من حرفي قصيدة منيرة
واهديك من عمري سنيني ولوقات = واهديك قلب ن نار حبه سعيره
تفداك روحي يا سليل المليكات = ويفداك من يمشي على المستديرة
ما هو قصور بحق غيرك فهيهات = ان يوصلوا حد الشعر والظفيرة
ماانتي بشر مخلوق مالك مثيلات = انتي اللتي فعلا بحبي جديرة
لو ماتبقى لي سوى بس لحظات = اطلب وصالك والمواقف عسيرة