جئيت بفرح بس عاندنا الفرح=يوم شفت حبيبي ما هو معي
اختلط في ناظري غلط وصح=ما أحس الا بشوقي ووجعي
لو أنا موجود فكري قد سرح=والعيون إغرورقت فيها أدمعي
ليا ذكرت اللي لها القلب إنشرح=هلت العبرة بعيني باربعي
آه يا دمع(ن)على الوجنة سفح=حرقته منها خدودي تجزعي
أتخيل زولها بعيني لمح=وأتخيل صوتها في مسمعي
من سكن قلبي هواها ما برح=يكبر ومعها جروحي توسعي
ليتها نسمة هوا فيها مرح=ليا دخل في خافقي ما يطلعي
كنها الأنفاس في ليل(ن) سبح=هي قدر حتى يحين المصرعي
ما اتقبل حكي عاذل وإن مزح=في هواها طايح(ن)بالأربعي
أنسج الأحلام لكن ما وضح=مثل نسج البحتري والأصمعي
كل أنثي أشوفها فيها ملح=ما يساوي من حبيبي أصبعي
وكل لمسة حسن عن غيره نزح=وكل صوت غير صوته روعي
وكل رمش غير رمشه ما جرح=في شي ولا تحسه أضلعي
وكل هزة وسط صاحبها إنفضح=لو تظاهر بالتمائل يفجعي
يوم شفت الحفل جرحي إنفتح=جئيت راجع للحبيب أسعى سعي
هي سحائب وأنا قوس القزح=مرتبط بوجودها ومولعي
يوم غاب الفكر بسبابه شطح=عل عقلي في حضوره يرجعي
جئيت بالأشواق في قلب(ن)نصح=جئيت أدور لي علاج ينفعي
جئيت بأحلامي وشوقي بعد لح=وكل حب غير حبه يقطعي
والقهر لو جئيت خلي ثم شح=الوكاد إني بموت مقطعي
ما ترجينا مدائح من مدح=ولا طلبنا الحب لأجل نركعي
إجتمعنا بعد قسمها طرح=هو يقسمها وأعود أجمعي
الغلط بشواقنا قد إنمسح=صارت لروحي وعشقي مرجعي