قلبي وروحي والمشاعر تناديك=وينك حبيب الروح بالله وينك
جاوب لصوتي كان تبغاني أجيك=ما ريد شيء يحول بيني وبينك
ليا دعاني طيفك(ي)قلت لبيك=القا بطيفك حلم عمري ولينك
أبيك تجمع ما تبقا بأياديك=كحل عيوني يوم تنظر لعينك
مدام قلبي يا هوا البال هاويك=كل الذي تطلبه فدوة لزينك
أمر على روحي ترى النفس تفديك=وأمر على مالي ويفدا يدينك
ملكتني سحرتني هيك ثم هيك=حتى غدا قلبي وفكري رهينك
أسعد ليال العمر ساعة محاكيك=أنسي سنيني وأتذكر سنينك
كل السنين الماضية قبل الاقيك=راحت بلاش وليتها في يمينك
ليتك ترجعها على قلب مغليك=ودي بكل العمر تاج لجبينك
ودي بكل العمر يروى بما فيك=لكن فات الفوت فيني وفينك
واللي بقا لي منه خائف ميرويك=والا يفرح بالزمن حاسدينك
التميز
الإهداءات
قلبي وروحي والمشاعر تناديك!!!
رد: قلبي وروحي والمشاعر تناديك!!!
