أبيات لعلها تروق لكم
الله على الأيام سوت سوايا=
ما ودي أناظر بوجه المرايه=
صرت أتدرق عن وجيه المرايا=
اللي من أول مهتويها هوايه=
سود الليالي عقبت بي رزايا=
أخذت هنايه وتركت لي شقايه=
أخذت شبابي مابقي له بقايا=
ماباقي إلا ذكريات البدايه=
أيام كنت أعجب عيون الصبايا=
نجل العيون مسوية لي دعايه=
أهدي من زهور الشكالة هدايا=
ما أقول ياكف العطايا كفايه=
أفرح ليا مني وهبت العطايا=
حكاية ٍ يا حلوها من حكايه=
أمد مد مسيرين السرايا=
ماكنت أحسب للوجع والشكايه=
واليوم قلبي كن جوفه كوايا=
أشوف حالي مختلف من بلايه=
أحلام عمري عودت بالزوايا=
من بعد ماشافت عجزها كمايه=
ياليتها ما كان سوت كمايا=
ولا كان حطت للأماني نهايه=
الله على الأيام سوت سوايا=
ما ودي أناظر بوجه المرايه=
التميز
الإهداءات
وجيه المرايا !!!
رد: وجيه المرايا !!!
