أسعدكم الله
اليوم بادرتكم بالمتيسر قبل حلول الظلام
الأبيات
الله أكبر ليلي البارح مثل سبعٍ(ن)عجايف=الهجوس تروج وعيوني تغشاها ظلامي
يالحبيب اللي سكن بالروح والهب للعواطف=روحي بروحك حبيبي كنها الطفل السيامي
ينشط الخاطر ليا شفت التبسم والشفايف=الشفايا اللي خباها بالزمن ستر اللثامي
ما يروق البال لين اسمعك واسمع للسوالف=وإن تناحى الليل ما شفتك تنغص لي منامي
اقضي الليلة مكدر خاطري والقلب راجف=والمشاعر كنها تصلى على وهاج حامي
المشاعر يا حبيبي ما تهيج بالمصادف=ما يشب النار في جوف الحشا غير الغرامي
الحلوم كبار وهمومي بعد ماهي خفايف=وأنت تدري عن مواجيعي وتدري عن سقامي
الغرام اللي بقلبي صعب توصفه الوصايف=وأنت تعرف يا حبيبي من معاناتي علامي
كل يوم الحب يكبر والعمر ينقص نصايف=كيف أوفق بين نقصاني وشوق الك متنامي
عز حالي من هواك اللي مسوي لي كتايف=قيد لفكري وجود للمشاعر بالخطامي
بعد حبك ما تربع بالصدر خلف النحايف=ما يروقني قصيد ولا يهديني كلامي
نار حبك يا حبيبي حرّقتني وأنت شايف=المحبة تنخر لحالي مثل نخر العظامي
المحبة يا حبيبي سيلها للقلب جارف=حالي الأول تبعثر ما بقا غير الحطامي
كل ما حاولت ابدد لوعتي جاني زفايف=ودي انك بين رمشة وانتباه تكون امامي
مير حظي بعدك عني حسافة يا حسايف=حظي المنحوس ما يعرف حلالٍ(ن)من حرامي
الليالي ما تحس بلوعة قلوب الولايف=لو تحس بلوعة العشاق حلت بالسلامي
الهواوي طول عمره من ظروف الوقت خايف=خايف الفرقا تنشن فوق حبه بالسهامي
البعاد أكبر مصيبة والزمن زاد الكلايف=والمحبة باقية فوق الصدر غالي وسامي
أتوجد وأتمنى بالزمن راغب وعايف=علنا نهنا بعيدٍ(ن)من عقب طال الصيامي
أتغنى بالقصائد ماشي وقاعد و واقف=لين صحيت الرقود وردد الشعر النيامي
أحد حاله مثل حالي حايفه للشوق حايف=وأحد ما يدري عن الأحوال وأسرف في ملامي
يالله إنك تفرج لهم المواجيع الضعايف=المحبة قحط والأحلام تشيه للغمامي
الله أكبر ليلي البارح مثل سبعٍ(ن)عجايف=الهجوس تروج وعيوني تغشاها ظلامي
التميز
الإهداءات
الليالي ما تحس بلوعة قلوب الولايف !!!
رد: الليالي ما تحس بلوعة قلوب الولايف !!!
