إرهاب ساهر يا ملكنا رهبنا !!!

أسعدكم الله

بالأمس القريب كتبت بمناسبة اليوم الوطني

واليوم أطرح ساهر ... عل نحظى بمكرمة ملكية تعدل نظامه

بصورة تتناسب مع دخل المواطن البسيط لا المواطن المقتدر

القصيدة تعبر عن حالها

تكفى يابو متعب بعد ما تعبنا=تزيح كابوسٍ(ن)على قلوبنا حل
تفزع لنا من عقب ساهر سلبنا=تكفى ترى مطلوبنا تحكم بعدل
إرهاب ساهر يا ملكنا رهبنا=هدفه واضح يأخذ اللي نحصل
قسيمته أعلى من اللي جلبنا=وإن كان ما سددت شهر وتدبل
ساهر يابو متعب نظامه نكبنا=الفقر زاده فقر والوضع مختل
التاجر اللي جاب ساهر نهبنا=وأهل المصالح لأجل عينه تطبل
بأرزاقنا ساهر لك الله حربنا=الرزق قطعه يشبه لفتنة القتل
ما شيء من ساهر بربي كسبنا=إلا الخسائر والحوادث مسلسل
شبابنا ما عاد تقضي طلبنا=فوق البطالة دين وشبيتحمل
وليا اشتكينا يا ملكنا نشبنا=الحل ندفع غيرها مابها حل
لو هو صدقنا قالوا انا كذبنا=بلمسة زرار اللي يبونه يعدل
على الوساطة والتحايل غصبنا=وإلا تهربنا سبب حاجة وقُل
الراتب اللي نأخذه لو حسبنا=ما يكفي يسدد قسائمه يا عل
الله يفقرْ من يدور تعبنا=اللي جبرنا يا ملكنا على الذل
تكفى يابو متعب بعد ما تعبنا=تزيح كابوسٍ(ن)على قلوبنا حل

الله الله


صح لسانك اي والله صدقت


الفقير يزيد فقر والغني يزيد غناء

يا سلام على الابداع واهله


صح لسانك مليون ولا يسدون

على الجرح

صح لسانك مليون ولا يكفون


ابدعت لا هنت

صح لسانك


من يوصلها لبو متعب عسى يشيل سارق

صح لسانك رائعة تلامس معاناة الناس من ساهر الله لا يباك فيه ولا في من حطه

صح لسانك دائما مميز الله يعطيك العافية


تقبل التحية

اي والله صدقت انه ارهاب بس من نوع اخر


ارهاب جيوب الله يخارجنا منه

الله الله


قصيدة تلامس هموم الناس


صح لسانك

صح لسانك صدقت يالنشمي سرقة علنية وبقوة حماية الحكومة