طابت أوقاتكم بالمسرات
واليكم الأبيات
اهــلا هــلا يـاشـوق بـالروح يـنساب
يــامـن يـسـر الــروح ســره وبـوحـه
ياطيب منك الطيب يأخذ له أطياب
يــاروح نـبـض الـقلب يـاروح روحـه
يـامـنية الـمـشتاق بـحـضور وغـياب
يـامـصدر أطـبـابه ومـصدر جـروحه
جـيتك عـندي تـعدل أحباب وأقراب
والـعذر مـني وأنـت مـنك الـسموحه
لا جـئت عـندي كـل مايشتكى طاب
وإن غبت ناح القلب وأسرف بنوحه
حـيث إنـك أغـلى من عزيز الأحباب
يـانـبض مـعلوق ٍ(ن)غـرامك يـلوحه
جـار الزمان وصارت أحلامي أغراب
حـارت مـطاليب الـوصال الـنصوحه
أحـلامـنا شـابـت بـعـد حـظـنا شـاب
مـايـنعرف جــد الـوصـال ومـزوحـه
شـين الـعمر حاضر وزين العمر غاب
أيــامـنـا صــــارت رديـــة شـحـوحـه
هـذا قـدر مـكتوب فـي محكم كتاب
كـل واحـد ٍ(ن)مـكتوب رزقـه بلوحه
ⒿⒶⒷⒺⓇ
التميز
الإهداءات
شوق بالروح ينساب
رد: شوق بالروح ينساب
