جديد ١٤٤٤/١/٨
كــريـم يـابـارق عـلـى غـرتـك لاح
ذكـرني بوقت ٍ(ن)جرى به حقايق
قـبل الـشباب الغض ياغض ينزاح
أيـــام كـــان الـبـال لـلأمـر طـايـق
لـماح مـايضحك عـلى عـقل لـماح
فـات الأوان ولا بـقي شـيء لايـق
مـاعـادنـي رايــق ولانــي بـمـرتاح
وشـلون اروق وصاحبي غير رايق
الـــدم يـغـلـي بـالـشـرايين فــواح
والـبال ضـايق والصدر بعد ضايق
الـلـي يـروقـني مـثل فـرحتي راح
مــابــاقـي الا ذكــريـاتـه حــرايــق
تـشوي مـعاليق ٍ(ن)بها شوق ذباح
عـجـزت تـطـفيها جـميع الـطرايق
مـغير انا والطيف مسرى ومسراح
كـل مـا نـزيح لعايق ٍ(ن)جد عايق
الـحـظ لا مـنـه بـعد قـومته طـاح
يـبـطـي بـغـيـبوبة ولاهــو بـفـايق
ماعاد لي في مقبل الوقت مسباح
إلــى هـنـا وطـيـت حـمل وعـلايق
كــريـم يـابـارق عـلـى غـرتـك لاح
ذكـرني بوقت ٍ(ن)جرى به حقايق
ⒿⒶⒷⒺⓇ
التميز
الإهداءات
أنا والطيف مسرى ومسراح
رد: أنا والطيف مسرى ومسراح
