أسعدكم الله دنيا وأخرة
الأبيات بدون مقدمات
علها تروق لكم
آه من نارٍ(ن)بقلبي كنها جمر الغضا..!!!=كل ما حاولت تهدى هبها نود الشمال..!!!
التهب منها فؤادي والهبت جو الفضا..!!!=شبها اللي يحسب إن أرواح عشاقه حلال..!!!
ماكسب قلبي بقربه لا وصال ولا رضا..!!!=صار دمي فوق نار الشوق جاي له اجتوال..!!!
ياغرامي نص عمري في غرامك انقضا..!!!=وأنت توعد بالوصال ولا حصل منك وصال..!!!
ليت للعشاق قاضي وأشتكي بك للقضا..!!!=وأثبت إنك سارقٍ(ن)للقلب والروح احتيال..!!!
مير وين العدل في قانون ساحر يفرضا..!!!=طاعته فوق المولع والعدل عنده محال..!!!
أتقلب مثل مكسورٍ(ن)يعاني له شضا..!!!=بالعظام اللي من التكسير غاديةٍ(ن)وصال..!!!
ما يسكن وحشتي الا طيوفٍ(ن)تعرضا..!!!=أتصبر بالأماني يرحم الزين احتمال..!!!
أرفع الأحلام فوق وفعل خلي يخفضا..!!!=من عرفته والأماني بين حلٍ(ن)وارتحال..!!!
كان جاني زانت الأيام بدفن ما مضى..!!!=من مواجيع الجروح ومن معاناة الليال..!!!
وإن تمادى في صدوده ياكريم تعوضا..!!!=لو تكمل بالحلا والزين لله الكمال..!!!
الزمن كفيل عني للمواجع ينفضا..!!!=والشموخ يصدني لا اطيح في ذل السؤال..!!!
الكرامة راس مالي ما تجمل مقرضا..!!!=والمكانة عالية في كل ما حب الرجال..!!!
آه من نارٍ(ن)بقلبي كنها جمر الغضا..!!!=كل ما حاولت تهدى هبها نود الشمال..!!!
التميز
الإهداءات
قــــــــانون ساحر !!!
