السلام عليكم كلكم تعرفون وقريتوا الخبر عن الفلم
الامريكي الصهيوني المسي للرسول محمد صلى الله عليه
وسلم
والدول الاسلاميه كالعاده تستنكر
وانا هنا استنكر واعتذر من سيد الامه صلى الله عليه وسلم
صلى الله وسلم الهادي امام المرسلـــــين = اطهر بشر واشرف بشر واصدق بشــــــــــــــــر
ياسيد الثقلين عذراً والعذر مدري منــــــين =والله ما نملك عذر مهما نقدم من عــــــــــــــــــذر
ياسيدي حنا انخذلنا من صفوف الاقربيـــــن = اللي تعذر بالدها حق السياسه والمــــــــــــــــكر
امتك غير اللي معك في معركة بدر وحـنين= الاسم يجمعهم لكن الفرق واضح للنظــــــــــــــر
الراشدين الاربعه ماجاء بعدهم راشـــــدين = الله ياعصر الفخر ياعصر ابوبكر وعمــــــــــــر
وعثمان ثلاثهم ورابعهم علي ابوالحســــين = اللي على الاعداء لهم سطوه وفعلً معــــــــــتبر
واليوم صرنا كثر لاكنا شتات مفرقيـــــــن = يعني عصانا صار فيها حول خمس امية شـــــقر
كم انجرحنا فيك بالسنت النذول الحاقـــدين = وكم طال عرضك من سهوم اهل التمادي والغدر
نزعل على شانك ونرفع صوتنا مستنكرين =وعروقنا تبا تفجر من مضخات القـــــــــــــــــهر
نردد الصوت الجهوري كل وقت وكل حين =ما ينوجد من يسمعه في بر والا في بــــــــــحر
كن الاذان مسكره من طين مدري من عجين =وان اخذلونا اهل الامر لله نشكي هالامــــــــر
مير اسمعوها واعقلوها ياولات المسلمـــــين = هذا الصحيح المعتبر زبدة كلاماً مخـــــتصر
اما وقفتوا صف واحد في وجيه المعتديــــن = واعلنتوا جهادً يكلل بالغنايم والنـــــــــــــصر
والا بقيتوا هكذا طول الزمن مستضعفيـــــن =والله يعلم وش يصير حسابكم يوم الحشــــــر
التميز
الإهداءات
صلى الله وسلم على نبينا محمد
