وجدت بصفحة القوافل على الفيس بوك هذه الأبيات من عضو بالصفحة
ولا أعلم هل هي له وإلا ناقلها
دخلت في الحب تصنيفة ورد إعتبار=واجتزت كل المراحل مرحله مرحله
غلطان توي دريت إن المحبه دمار=تثر على حاضر العاشق ومستقبله
سويت مثل العرب الأفغان في قندهار=إن حاربوا مشكلة وإن عودوا مشكلة
فرديت عليه بالأبيات التالية علها تروق لكم فقلت:
ياللي تقول المحبة للقلوب إنتحار=حبل الهوى ليش فوقك بالرضا تفتله
لن كان مالك على تبع الغرام إقتدار=جنب دروبه وحيًد لأخره وأوله
الحب ماهو بلعبة في يدين الصغار=مايدخله غير منهو معتلي منزله
اللي عيونه تقادح مثل قدح الشرار=يكحل عيون الخصوم وما أحدٍ يكحله
يأخذ مراده بكيفه بالجهار بنهار=ما ينتظر للعطا والعطف ما يسأله
ياكم وطا لروسٍ(ن)بالنعارة كبار=زلزل قلوب الملوك بفعلته زلزله
واللي يخش المتاهة مثل ما قيل غار=كل منعطف فيه جني والعقل يشغله
لكن مابه دفا بالبرد من غير نار=طعم الهنا ما نطوله غير بالبهذله
الحب لن كان صافي من حرار لحرار=أقره الله بكل آياته المنزله
سنة من أجل الأرض تصبح عمار=والله لخلقه نظمه فصله
من شأن تمشي حياة الناس وفق المسار=نقرأ تفاصيلها بآياته المرسله
واللي يدور لغيره تاليته إنفجار=وإلا يظلي رهين مقيد بسلسله
لا من تعلق بنورة ثم حن لميار=تغدي شياطين قلبه للعنا تنتله
لو بعد حينٍ(ن)بيصفق باليمين اليسار=بعض الفعائل تعقب للفتى ولوله
ياللي تقول المحبة للقلوب إنتحار=حبل الهوى ليش فوقك بالرضا تفتله
التميز
الإهداءات
المحبة للقلوب إنتحار !!!
رد: المحبة للقلوب إنتحار !!!
