بسمة الشوق !!!

طاب ليلكم أينما كنتم

يا بسمة الشوق في ليل الغرام البهيج=طيرتي النوم من عيني بحلو الغزل
مشاعري من لهيب الشوق جاتك هجيج=تحلم بذوب العسل من منحلك ياعسل
حاولت كتم الهوى قدام بحره يهيج=لكن حارت عزومي في مشاعر نحل
هواي والشوق واحلامي ولهفي مزيج=لن زارني بعض منها ما عرفت الكسل
مشاعر الشوق تلهج في عروقي لهيج=ما حافها في زماني يا غرامي كلل
والقلب بالصدر ينهج كيف كتم النهيج=ما دام ماله علاج الا حبال الوصل
هواك رج الفؤاد ورج عقلي رجيج=يا سيد الحسن حبك بالحنايا كمل
جهز ركابك نبي نقهر رعاة النعيج=نبي نجدد تلاقينا بدفن الخجل
اقسمت لأجيك لو إنك بوسط الحجيج=مهما تكون الظروف اللي تجيب الملل
اجئيك لو دونك الموت الحمر والعجيج=ما همني ما يصير ولو حصل ما حصل
بجئيك وأروي عيوني منك وأولج وليج=داخل عيون الغرام اللي دعجها كحل
فديت رمشك وبسماتك ولون مريج=لا شفتها ضحكت الضيقة وراح الزعل
وشلون ما أفرح بنظراتك يانور السريج=ياأعذب من المي للعطشان بعد العمل
يا بسمة الشوق في ليل الغرام البهيج=طيرتي النوم من عيني بحلو الغزل

صح لسانك واعتلا شانك


تقبل التحية

يا سلام عليك صح لسااااانك

ابدعت وامتعت صح لسااااااااانك

صح بوحك العذب شاعرنا المبدع

صح لسااااانك بدعت يعطيك العافية

صح لسانك استاذ الشعر

رووووعه

صح لسانك مدد ماهو عدد

تقبل التحية

صح لسانك شاعر متمكن ما فيك حيلة

صح بوووحك ولا فض فووووووك