أسعدكم الله
الأبيات بدون مقدمات
....................
طال إنتظاري والملل وصل حده=متى تشرف يا كثير المواعيد
يا مالك(ن) قلبي بزينه و وده=مأخذ صدارة بالحلا قاهر الغيد
أدب وذوق وعلم ما فيه قده=ما فيه منه إثنين عاشوا على البيد
نهب لعقلي بالغلا والموده=ما عاد عنه العقل والقلب بتحيـد
مير البلا بالحظ ضدي وضده=كل واحدٍ(ن)منا رمى به على حيد
وقتي رخا وأعيشه أنا بشده=حتى نهار العيد ما كنه العيد
دنياي فيني بالعنا مستبده=ما جات لي يا رفقتي كيف ما أريد
أخذت حلاة العمر وشلون أرده=وأخذت وليفي ودته عني ابعيد
يا وقت كافي بالحشا ما يسده=ما عدت بقوى للمواجيع لا تزيد
حيلي عنادك بالمواجيع هده=الصبر مل وضاق ما عاد بيفيد
كل ما نهى لجروح جا مستجده=إلا الهنا لن راح ما عاد بيعيد
طال إنتظاري والملل وصل حده=ما عاد شرفني قليل المواعيد
التميز
الإهداءات
طال إنتظاري والملل وصل حده !!!!
رد: طال إنتظاري والملل وصل حده !!!!
