الأبيات بدون مقدمات
يا فرحة عمري الأول وتالي ما بقي من فرح=أنا الليلة لقيت علاج من حالٍ(ن)محيرنا
تعالي نسهر الليلة من المغرب لوقت الصبح=على لحن القصيد اللي تراقص له مشاعرنا
نبيها ليلةٍ(ن)ما مثلها ما بين جد ومزح=نسامر للغرام اللي من أعوامٍ(ن)يسامرنا
تعالي زيحي الخوف القديم اللي ذبحنا ذبح=كفاية ما مضى يا منيتي تعب تصبرنا
سنين طوال نشكي من بعاد وكيف يبرا جرح=ما يبرا جرحنا ما دام حنتا ما تغيرنا
عزمت أغير الواقع وهذا اللي أشوفه صح=نبي نجمع لشمل أشواقنا والله يدبرنا
تعالي هاتي أحلامك من أقصاها بليا شح=نبي نجمع بذا الليلة حسابات بدفاترنا
نشوف الربح كم الربح كانه بالليالي ربح=ونعرف يا بعد كل المكاسب كم خسايرنا
سنين طوال أنادي لين صوتي ياهواي إنبح=ما كن الود يا بعد البشر أسمى شعايرنا
تعبنا وإشتكى منا قصيد عتابنا والمدح=وراحت في مهب رياحنا زهرة بشايرنا
لكني يا بعد عمري نويت أبني لحلمي صرح=نويت أنهي معاناة البعاد اللي مكدرنا
نويت أطوي مسافات البعاد اللي جبينه كلح=ما عاد أقوى على هذا البعاد اللي مدمرنا
زمان الهم ولى ما بقي غير الزمان السمح=نبي نحرق على جمر الهوى عودة مباخرنا
نعطر ليلنا بأنفاسنا ما عاد نذكر لأح=ما دام إنا جمرنا همنا داخل مجامرنا
لقانا تالي أمالي يداوي للعنا والقرح=يا بلسم عشقي النازف على صفحة مخابرنا
أنادي لك بصوت الشوق ناره للصدر تلفح=تعالي ننهي أوجاع الفراق اللي مبعثرنا
يا فرحة عمري الأول وتالي ما بقي من فرح=أنا الليلة لقيت علاج من حالٍ(ن)محيرنا
التميز
الإهداءات
تعالي زيحي الخوف القديم !!!!
رد: تعالي زيحي الخوف القديم !!!!
